پایگاه جامع روضه خوانی با توكل بر الله و توسل به اهل بیت (ع)، سایت روضه خوانی مرکزيست برای نشر و دانلود متن و کلیپ های صوتی و تصویری روضه، گریزهای مداحی ، کتاب های مقتل ،شعر، مرثیه و هر آنچه که به درد روضه خوانی می خورد.
او آغیر کلمه لری درک ایلدی هند اوغلی
اولدی حیرتزده زینبده اولان جرأتدن
ایستدی مجلسین احوالینه تغییر ویره
حضرت باقره دوتدی یوزونی رأفتدن
دیدی کیمسن ندور آدون نه گوزل اوغلانسان
چوخ شجاعتله سنی درک ایدورم دقتدن
واردی میلون دوتاسان کُشتی منیم اوغلوملا
جایزه ویرم اگر کام آلاسان سبقتدن
دیدی باقردی آدیم جدیم او طشتونده کی باش
جلوه گر دور یوزی انوار الوهیتدن
اسرا سلسله سینده دایانوب باشدا آتام
سلسله ثقلی یوروب گردنینی شدتدن
کُشتی دوتماق بیزه تحقیر لیاقتدی یزید
فکر قیلما سوزوی رد ایدورم وحشتدن
ایکی شمشیر گتورسونله سوله الساعه
بیرین اوغلون بیرینی من گوتوروم قسمتدن
فرصت جنگی سنون اوغلوا ویرم اول
واردی ارثیم اسدالله دا اولان سیرتدن
گورمیوبسن شهدا جنگینی خوشدور الان
بیرنمونه گوره سن بیزده اولان صولتدن
سنون اوغلون منی ئولدورسه بو دعواده اگر
قانیمی یوخدی آلان سن کیمی بدفطرتدن
یامن ئولدورسم اگر اوغلوی مردانه یزید
عوضین چیخمیاسان طایفه ی عصمتدن
اوغلوون خاطرینه عمه می اینجیتمیه سن
طشتیده قانلی باشی سالمیاسان حرمتدن
هندون اوغلی دیدیگی سوزلری آلدی دالیا
هاشمی لر دیدی مشهوردیلر صولتدن
حضرت باقره زینب دیدی قربانون اولوم
گل قباقه بیر ئوپوم تر بورین صورتدن
اوجالاندی باشیمیز قوی دولانوم من باشوا
بدنظر چوخدی دگر گوز سنه ضدیتدن
آی بالام سید سجادون ایشیقلی چراغی
دشمنیم قوزیا بیلمور باشینی خجلتدن
.